കൊ​ടും കാ​ട്, കൊ​ടും വ​ള​വ്​, കൊടൂ​ര വൈ​ബ്

മ​ല​യും പു​ഴ​യും​ ക​ട​ന്ന് മ​ഴ​ന​ന​ഞ്ഞ് പ​ച്ച​ക്കാ​ട്ടി​ലൂ​ടെ വെ​ള്ള​ച്ചാ​ട്ട​ങ്ങ​ളും മ​ഴ​മേ​ഘ​ങ്ങ​ളും ക​ണ്ടു​ള്ള യാ​ത്ര. ഒ​രു വ​ന​യാ​ത്ര​യി​ൽ പ്ര​തീ​ക്ഷി​ക്കു​ന്ന കാ​ഴ്ച​ക​ളും സാ​ഹ​സി​ക​ത​യും ഓ​ഫ്റോ​ഡി​ങ്ങും അ​ടി​പൊ​ളി ഫ്രെ​യി​മു​ക​ളും മാ​ത്രം നി​റ​ഞ്ഞ വ​ഴി. ഓ​ഫ് മൂ​ഡി​ലാ​ണ് നി​ങ്ങ​ളെ​ങ്കി​ൽ ഒ​ന്നും നോ​ക്ക​ണ്ട, നേ​രെ വി​ട്ടോ, മാ​മ​ല​ക്ക​ണ്ടം നി​ങ്ങ​ളെ ‘പൊ​ളി മൂ​ഡി’​ലാ​ക്കും.

കാ​ഴ്ച​ക​ളു​ടെ ക​ണ്ടാ​ൽ തീ​രാ​ത്ത ക​ല​വ​റ​യാ​ണ് മാ​മ​ല​ക്ക​ണ്ടം. ഏ​തു കൊ​ടും ക​യ​റ്റ​ത്തി​ലും ഇ​ടു​ങ്ങി​യ റോ​ഡി​ലും വാ​ഹ​നം നി​ന്നു​പോ​കാ​തെ, അ​ഥ​വാ നി​ന്നാ​ലും വീ​ണ്ടും ച​വി​ട്ടി​യെ​ടു​ക്കാ​നു​മു​ള്ള കോ​ൺ​ഫി​ഡ​ൻ​സ് ഉ​ണ്ടെ​ങ്കി​ലേ ഈ ​വ​ഴി ഡ്രൈ​വി​ങ് സീ​റ്റി​ലി​രു​ന്ന് ക​യ​റി വ​രാ​വൂ. അ​ല്ലെ​ങ്കി​ൽ വ​ല്ല​പ്പോ​ഴു​മു​ള്ള സ്വ​കാ​ര്യ, കെ.​എ​സ്.​ആ​ർ.​ടി.​സി ബ​സു​ക​ളെ​യോ ട്രി​പ് സ​ഫാ​രി ജീ​പ്പു​ക​ളെ​യോ ആ​ശ്ര​യി​ക്കു​ന്ന​താ​കും ന​ല്ല​ത്.

മാ​മ​ല​ക​ൾ​ക്ക​പ്പു​റ​ത്ത് എ​ന്തു​ണ്ട്?

പു​ഴ​ക​ളും വെ​ള്ള​ച്ചാ​ട്ട​ങ്ങ​ളും ക​ണ്ണെ​ത്താ​ദൂ​രം മ​ല​നി​ര​ക​ളും ഒ​ക്കെ​യാ​യി നാ​ല് ഭാ​ഗ​വും വ​ന​ത്താ​ല്‍ ചു​റ്റ​പ്പെ​ട്ട ഗ്രാ​മ​മാ​ണ് മാ​മ​ല​ക്ക​ണ്ടം. കേ​ര​ള​ത്തി​ലെ വ​ലി​യ പ​ഞ്ചാ​യ​ത്തു​ക​ളി​ലൊ​ന്നാ​യ കു​ട്ട​മ്പു​ഴ​യു​ടെ ന​ടു​വി​ൽ പ​ശ്ചി​മ ഘ​ട്ട​മ​ല​നി​ര​ക​ളെ താ​ങ്ങിനി​ൽ​ക്കു​ന്ന സു​ന്ദ​ര വ​ന​പ്ര​ദേ​ശം. കു​ട്ട​മ്പു​ഴ​യി​ല്‍നി​ന്ന് ഏ​ക​ദേ​ശം 12 കി​ലോ​മീ​റ്റ​ര്‍ അ​ക​ലെ​യാ​ണി​ത്.

മു​മ്പ് ഇ​ടു​ക്കി ജി​ല്ല​യി​ലാ​യി​രു​ന്ന കു​ട്ട​മ്പു​ഴ എ​റ​ണാ​കു​ള​ത്തേ​ക്ക് ചേ​ർ​ത്ത​തോ​ടെ​യാ​ണ് മാ​മ​ല​ക്ക​ണ്ടം എ​റ​ണാ​കു​ളം ജി​ല്ല​യു​ടെ സ്വ​ന്ത​മാ​യ​ത്. കോ​ത​മം​ഗ​ല​ത്തു​നി​ന്ന് ഏ​ക​ദേ​ശം ഒ​രു മ​ണി​ക്കൂ​ർ ദൂ​രം ത​ട്ടേ​ക്കാ​ട്, കു​ട്ട​മ്പു​ഴ, ഉ​രു​ള​ന്ത​ണ്ണി ഫോ​റ​സ്റ്റ് ചെ​ക്ക് പോ​സ്റ്റ് മ​റി​ക​ട​ന്ന് യാ​ത്ര ചെ​യ്താ​ൽ മാ​മ​ല​ക്ക​ണ്ടം എ​ത്താം. ഗൂ​ഗി​ൾ​മാ​പ്പി​ൽ 36.1 കി.​മീ​റ്റ​റാ​ണ് ദൂ​രം കാ​ണി​ക്കു​ന്ന​ത്. ടൈം ​ടേ​ബി​ൾ പ്ര​കാ​രം യാ​ത്ര ചെ​യ്യു​ന്ന​വ​ർ ഒ​രി​ക്ക​ലും ചൂ​സ് ചെ​യ്യാ​ൻ പാ​ടി​ല്ലാ​ത്ത ഡെ​സ്റ്റി​നേ​ഷ​നാ​ണ് മാ​മ​ല​ക്ക​ണ്ടം.

മ​റ്റൊ​ന്ന് ആ​വ​ശ്യ​ത്തി​ല​ധി​കം ഇ​ന്ധ​നം വാ​ഹ​ന​ത്തി​ലു​ണ്ടെ​ന്ന് ഉ​റ​പ്പാ​ക്കി​യ ശേ​ഷ​മേ പു​റ​പ്പെ​ടാ​വൂ. കൂ​ടു​ത​ൽ സ​മ​യം ഫ​സ്റ്റ്, സെ​ക്ക​ൻ​ഡ് ഗി​യ​റു​ക​ളി​ൽ (മാ​ന്വൽ കാ​റു​ക​ൾ​ക്ക് ബാ​ധ​കം) മാ​ത്ര​മേ ഇ​തു​വ​ഴി യാ​ത്ര സാ​ധ്യ​മാ​കൂ.

റി​വേ​ഴ്സ് ഗി​യ​ർ ഈ​സി ടാ​സ്ക​ല്ല

കോ​ത​മം​ഗ​ലം വ​ഴി പോ​കു​മ്പോ​ൾ മാ​മ​ല​ക്ക​ണ്ട​ത്തേ​ക്ക് തി​രി​യു​ന്ന ആ​ദ്യ ബോ​ർ​ഡ് ക​ട​ന്ന് ഏ​താ​നും കി​ലോ​മീ​റ്റ​ർ ആ​യി​ട്ടും കാ​ര്യ​മാ​യ കാ​ടും മ​ര​ങ്ങ​ളു​മൊ​ന്നും കാ​ണാ​നാ​യി​ല്ല. വ​ഴി​യ​രി​കി​ൽ ക​ണ്ട ചാ​യ​ക്ക​ട​യി​ൽ ക​യ​റി. മാ​മ​ല​ക്ക​ണ്ടം റൂ​ട്ടി​ലെ അ​വ​സാ​ന ചാ​യ​ക്ക​ട​യാ​യി​രു​ന്നു അ​തെ​ന്ന് ചാ​യ കു​ടി​ച്ച് ക​ഴി​ഞ്ഞാ​ണ് മ​ന​സ്സി​ലാ​യ​ത്.

അ​ൽ​പ​സ​മ​യ​ത്തെ യാ​ത്ര​ക്കൊ​ടു​വി​ൽ ഇ​ട​ത്തേ​ക്ക് ആ​രോ​മാ​ർ​ക്കി​ട്ട് മാ​മ​ല​ക്ക​ണ്ടം ബോ​ർ​ഡും കാ​ന​ന പാ​ത​യും ദൃ​ശ്യ​മാ​യി. മു​ന്നോ​ട്ടു പോ​കു​ന്തോ​റും വ​ഴി ന​ന്നേ ചു​രു​ങ്ങിവ​രു​ന്ന​ത് ഒ​രു​ൾ​ക്കി​ടി​ല​ത്തോ​ടെ ആ​സ്വ​ദി​ച്ചാ​ണ് ഡ്രൈ​വ് ചെ​യ്യു​ന്ന​ത്. എ​തി​രെ ഒ​രു ബൈ​ക്ക് വ​ന്നാ​ൽപോ​ലും സൈ​ഡ് ഒ​തു​ക്കാ​ൻ ഇ​ട​മി​ല്ലാ​ത്ത ഇ​രു​വ​ശ​വും ക​ട്ടി​ങ് നി​റ​ഞ്ഞ കോ​ൺ​ക്രീ​റ്റ് റോ​ഡി​ലേ​ക്ക് ക​യ​റി​യ​തോ​ടെ ഭ​യം അ​രി​ച്ചി​റ​ങ്ങാ​ൻ തു​ട​ങ്ങി. കു​ത്ത​നെ​യു​ള്ള ക​യ​റ്റം ക​യ​റു​ക​യാ​ണ്.

വ​ണ്ടി​യെ​ങ്ങാ​നും നി​ന്നു പോ​യാ​ൽ അ​നേ​കം മീ​റ്റ​ർ റി​വേ​ഴ്സി​ൽ പോ​യാ​ലേ ആ ​ക​യ​റ്റം പി​ന്നീ​ട് എ​ടു​ക്കാ​ൻ പ​റ്റൂ. കു​ത്ത​നെ​യു​ള്ള ക​യ​റ്റം ക​യ​റ​വേ എ​തി​രെ വാ​ഹ​നം വ​ന്ന​പ്പോ​ൾ മു​ന്നി​ൽ പോ​യ ആ​ളു​ടെ കാ​ർ ഓ​ഫാ​യി. എ​ത്ര ശ്ര​മി​ച്ചി​ട്ടും വാ​ഹ​നം പു​റ​കോ​ട്ട് ഉ​രു​ളു​ന്ന​ത​ല്ലാ​തെ ഒ​രി​ഞ്ച് മു​ന്നോ​ട്ട് ക​യ​റു​ന്ന​തേ​യി​ല്ല. ബാ​ക്ക് ട​യ​റി​ന് പി​റ​കി​ൽ ക​ല്ല് വെ​ച്ച് നോ​ക്കു​ന്നു, ഹാ​ൻ​ഡ് ബ്രേ​ക്കി​ട്ട് ഒ​രു പി​ടി പി​ടി​ക്കു​ന്നു.

നോ ​ര​ക്ഷ! ഡ്രൈ​വ​ർ വി​യ​ർ​ത്തു​കു​ളി​ച്ച് സു​ല്ലി​ട്ട​തോ​ടെ ഇ​റ​ക്കം ഇ​റ​ങ്ങി വ​ന്ന എ​തി​ർ വാ​ഹ​ന​ത്തി​ന്‍റെ ഡ്രൈ​വ​ർ ഇ​റ​ങ്ങി വ​ന്ന് കൈ ​വെ​ച്ച​തോ​ടെ​യാ​ണ് വാ​ഹ​നം എ​ടു​ക്കാ​നാ​യ​തും പു​റ​കി​ൽ ഉ​ണ്ടാ​യി​രു​ന്ന ഞ​ങ്ങ​ളു​ടെ ‘വാ​ഹ​ന​ത്തി​ന്‍റെ ശ്വാ​സം’ നേ​രെ വീ​ണ​തു​മെ​ന്ന് പ​റ​യാം.

തോ​ട്ടി​ലൂ​ടെ കാ​റോ​ടി​ക്കാം

ആ​ദി​വാ​സി കു​ടി​ക​ൾ ഉ​ൾ​പ്പെ​ടു​ന്ന മാ​മ​ല​ക്ക​ണ്ടം മേ​ഖ​ല​യി​ലു​ള്ള​വ​ർ​ക്ക് പ​ഞ്ചാ​യ​ത്ത് ആ​സ്ഥാ​ന​മാ​യ കു​ട്ട​മ്പു​ഴ​യി​ൽ എ​ത്തി​ച്ചേ​രാ​നു​ള്ള ഏ​ക വ​ഴി​യാ​ണ് പ​ന്ത​പ്ര-​മാ​മ​ല​ക്ക​ണ്ടം റോ​ഡ്. ഈ ​റോ​ഡി​ലെ ത​ക​ർ​ന്ന കൂ​ട്ടി​ക്കു​ളം പാ​ലം പു​ന​ർ​നി​ർ​മി​ച്ചെ​ങ്കി​ലും പാ​ല​ത്തി​ലേ​ക്ക് പ്ര​വേ​ശി​ക്കു​ന്ന അ​പ്രോ​ച് റോ​ഡ് നി​ർ​മാ​ണം പൂ​ർ​ത്തി​യാ​കാ​ത്ത​ത് ദു​രി​ത​മാ​യി തു​ട​രു​ക​യാ​ണ്.

താ​ഴെ​യു​ള്ള തോ​ട് വ​ഴി​യാ​ണ് വാ​ഹ​ന​ങ്ങ​ൾ ക​യ​റി​യി​റ​ങ്ങി പോ​കു​ന്ന​ത്. ഈ ​റോ​ഡി​ല്ലാ​താ​യാ​ൽ മാ​മ​ല​ക്ക​ണ്ട​ത്തു​ള്ള​വ​ർ​ക്ക് കു​ട്ട​മ്പു​ഴ​യി​ലെ​ത്താ​ൻ 12 കി​ലോ​മീ​റ്റ​ർ സ​ഞ്ച​രി​ക്കേ​ണ്ടി​ട​ത്ത് 65 കി​ലോ​മീ​റ്റ​ർ സ​ഞ്ച​രി​ക്കേ​ണ്ട അ​വ​സ്ഥ​യാ​കും. ക​ന​ത്ത മ​ഴ​ക്കാ​ല​ത്ത് തോ​ട് ക​ര​ക​വി​ഞ്ഞൊ​ഴു​കു​ന്ന സ​ന്ദ​ർ​ഭ​ങ്ങ​ളി​ൽ മേ​ഖ​ല​യി​ലെ താ​മ​സ​ക്കാ​ർ ഒ​റ്റ​പ്പെ​ടും. റി​സ്കെടു​ക്കാ​തെ തോ​ട് മ​റി​ക​ട​ന്ന് മ​ണ്ണി​ട്ട കു​ത്ത​നെ​യു​ള്ള ക​യ​റ്റം മ​റി​ക​ട​ന്നാ​ണ് ഞ​ങ്ങ​ൾ നേ​ര്യ​മം​ഗ​ലം ല​ക്ഷ്യ​മാ​ക്കി നീ​ങ്ങി​യ​ത്. സ​മ​യം വൈ​കീ​ട്ട് അ​ഞ്ച​ര ക​ഴി​ഞ്ഞു.

കോ​ട​മ​ഞ്ഞും ചാ​റ്റ​ൽമ​ഴ​യും കൊ​ടൂ​ര അ​ന്ത​രീ​ക്ഷ​വും കൊ​ടും വ​ന​വും നി​റ​ഞ്ഞ ആ ​വ​ഴി​യി​ൽ ഒ​രി​ട​ത്തും നി​ർ​ത്താ​ൻ തോ​ന്നി​യി​ല്ല. ഭ​യാ​ന​ക​ത​യും കു​ളി​ർ​മ​യും ഒ​രേ സ​മ​യം വേ​ണ്ടു​വോ​ളം അ​നു​ഭ​വി​പ്പി​ച്ച മ​നോ​ഹ​ര യാ​ത്ര.

വൈ​റ​ൽ സ്കൂ​ൾ

മാ​മ​ല​ക്ക​ണ്ടം യാ​ത്ര​യി​ലെ വൈ​റ​ൽ ഹി​റ്റ് കാ​ഴ്ച​യാ​ണ് സ്വ​ന്ത​മാ​യി വെ​ള്ള​ച്ചാ​ട്ട​മു​ള്ള നാ​ലു​വ​ശ​വും മ​ല​ക​ളാ​ല്‍ ചു​റ്റ​പ്പെ​ട്ട അ​ഞ്ചാം ക്ലാ​സ് മു​ത​ൽ പ​ത്താം ക്ലാ​സ് വ​രെ കു​ട്ടി​ക​ൾ പ​ഠി​ക്കു​ന്ന സ​ർ​ക്കാ​ർ സ്‌​കൂ​ള്‍.

മാ​മ​ല​ക്ക​ണ്ടം പോ​യി എ​ന്ന​തി​ന് തെ​ളി​വാ​യി ആ​ളു​ക​ൾ ഫോ​ട്ടോ​ക്ക് പോ​സ് ചെ​യ്യു​ന്ന ഇ​ടം കൂ​ടി​യാ​ണി​ത്. വി​ദ്യാ​ല​യ ക​മാ​ന​ത്തി​ൽ നി​ന്ന് ഏ​ക​ദേ​ശം നൂ​റു മീ​റ്റ​റി​ന​പ്പു​റം കാ​ണാം എ​ളം​ബ്ലാ​ശ്ശേ​രി പെ​രു​വ​ര മ​ല​യു​ടെ താ​ഴ്‌​വാ​ര​ത്ത് മ​ല​യെ ര​ണ്ടാ​യി പി​ള​ർ​ത്തി​യൊ​ഴു​കു​ക​യാ​ണെ​ന്ന് തോ​ന്നി​പ്പി​ക്കു​ന്ന എ​ളം​ബ്ലാ​ശ്ശേ​രി വെ​ള്ള​ച്ചാ​ട്ടം.

പു​ഴ നി​റ​ഞ്ഞൊ​ഴു​കു​ന്ന സ​മ​യ​മ​ല്ലാ​ത്ത​പ്പോ​ൾ ഈ ​പു​ഴ​യി​ലൂ​ടെ ജീ​പ്പ് യാ​ത്ര സാ​ധ്യ​മാ​കും. പു​ഴ​യി​ലൂ​ടെ ന​ട​ന്നും വെ​ള്ള​ച്ചാ​ട്ട​ത്തി​ന് അ​രി​കി​ലെ​ത്താം. മ​ഴ​ക്കാ​ല​ത്ത് പാ​റ​ക​ളി​ൽ വ​ഴു​വ​ഴു​പ്പും പു​ഴ​യി​ൽ ഒ​ഴു​ക്കു​മാ​ണെ​ങ്കി​ൽ സാ​ഹ​സ​ത്തി​ന് മു​തി​രാ​തി​രി​ക്കു​ക. സെ​ല്‍ഫി​യെ​ടു​ക്ക​ലും സി​നി​മ-​സീ​രി​യ​ല്‍ ഷൂ​ട്ടി​ങ്ങും വി​ശേ​ഷ​ങ്ങ​ള്‍ ചോ​ദി​ക്ക​ലു​മാ​യി അ​വ​ധി ദി​വ​സ​ങ്ങ​ളി​ലു​ൾ​​െപ്പ​ടെ തി​ര​ക്കാ​ണ് ഈ ‘​ഗ്ലാ​മ​ർ’ സ്കൂ​ൾ പ​രി​സ​രം.

അടുത്തുള്ള പ്രദേശങ്ങൾ

• ഭൂ​ത​ത്താ​ൻ​കെ​ട്ട് ഡാം, ​റി​സ​ർ​വോ​യ​ർ, ബോ​ട്ടി​ങ്, കു​ട്ടി​ക​ളു​ടെ പാ​ർ​ക്ക്
• ത​ട്ടേ​ക്കാ​ട് പ​ക്ഷി സ​ങ്കേ​തം
• പി​ണ്ടി​മേ​ട് വെ​ള്ള​ച്ചാ​ട്ടം
• ചീ​യ​പ്പാ​റ വെ​ള്ള​ച്ചാ​ട്ടം
• വ​ടാ​ട്ടു​പാ​റ വെ​ള്ള​ച്ചാ​ട്ടം
• ചാ​മ​പ്പാ​റ വെ​ള്ള​ച്ചാ​ട്ടം
• എ​ളം​ബ്ലാ​ശ്ശേ​രി വെ​ള്ള​ച്ചാ​ട്ടം
• പൂ​യം​കു​ട്ടി
• കു​ട്ട​മ്പു​ഴ
• മാ​മ​ല​ക്ക​ണ്ടം ഓ​ഫ് റോ​ഡ് ജീ​പ്പ് സ​ഫാ​രി
• ഇ​ഞ്ച​ത്തൊ​ട്ടി തൂ​ക്കു​പാ​ലം
• മു​നി​പ്പാ​റ
• ചാ​രു​പ്പാ​റ
• മാ​ങ്കു​ളം

എങ്ങനെ എത്തിപ്പെടാം

കു​ട്ട​മ്പു​ഴ​യാ​ണ് കോ​ത​മം​ഗ​ല​ത്ത് നി​ന്ന് വ​രു​മ്പോ​ൾ മാ​മ​ല​ക്ക​ണ്ടം എ​ത്താ​നു​ള്ള പ്ര​ധാ​ന ലാ​ൻ​ഡ് മാ​ർ​ക്ക്. കെ.​എ​സ്.​ആ​ര്‍.​ടി.​സി ബ​ജ​റ്റ് ടൂ​റി​സം സെ​ല്ലി​ന്‍റെ ജ​ന​പ്രി​യ ഡെ​സ്റ്റി​നേ​ഷ​നു​ക​ളി​ലൊ​ന്നാ​ണ് മാ​മ​ല​ക്ക​ണ്ടം. സു​ര​ക്ഷി​ത​മാ​യും ചെ​ല​വ് കു​റ​ഞ്ഞും മാ​മ​ല​ക്ക​ണ്ട​ത്ത് പോ​കാ​ന്‍ ആ​ഗ്ര​ഹി​ക്കു​ന്ന​വ​ർ​ക്ക് അ​നു​യോ​ജ്യ​മാ​ണ് ഈ ​കെ.​എ​സ്.​ആ​ര്‍.​ടി.​സി പാ​ക്കേ​ജ്.

ഏ​തു സീ​സ​ണി​ലും വ​രാ​ൻ പ​റ്റി​യ സ്ഥ​ല​മാ​ണി​ത്. കൊ​ച്ചി-​ധ​നു​ഷ്കോ​ടി ദേ​ശീ​യപാ​ത വ​ഴി നേ​ര്യ​മം​ഗ​ല​ത്തി​നും വാ​ള​റ​ക്കുമി​ട​യി​ലെ ആ​റാം മൈ​ലി​ൽനി​ന്ന് ഇ​ട​ത്തേ​ക്ക് തി​രി​ഞ്ഞ് പ​ഴം​പ​ള്ളി​ച്ചാ​ൽ (ഒ​മ്പ​ത് കി​ലോ​മീ​റ്റ​ർ) മ​റി​ക​ട​ന്നും മാ​മ​ല​ക്ക​ണ്ടം എ​ത്താം. കൂ​ടാ​തെ കോ​ത​മം​ഗ​ലം-​ചേ​ലാ​ട്-​ത​ട്ടേ​ക്കാ​ട്-​കു​ട്ട​മ്പു​ഴ വ​ഴി​യും ഇ​വി​ടേ​ക്ക് വ​രാം. ഏ​തു​ നി​മി​ഷ​വും ആ​ന​ക​ൾ കൂ​ട്ട​മാ​യോ ഒ​റ്റ​ക്കോ റോ​ഡി​ൽ പ്ര​ത്യ​ക്ഷ​പ്പെ​ടാം, കു​ത്ത​നെ ക​യ​റ്റം ക​യ​റ​വേ കൊ​ടും വ​ള​വി​ൽ എ​തി​ർദി​ശ​യി​ൽനി​ന്ന് ബ​സു​ൾ​​െപ്പ​ടെ വ​ലി​യ വാ​ഹ​ന​ങ്ങ​ൾ അ​പ്ര​തീ​ക്ഷി​ത​മാ​യി നി​ങ്ങ​ളു​ടെ വ​ഴി ത​ട​സ്സ​പ്പെ​ടു​ത്താ​മെ​ന്നും സൈ​ഡ് ഒ​തു​ക്കി നി​ർ​ത്തേ​ണ്ടി വ​രു​മെ​ന്നും എ​ൻ​ജി​ൻ ഓ​ഫാ​യി​പ്പോ​കാ​തെ ച​വി​ട്ടി​യെ​ടു​ക്ക​ണ്ടി വ​രു​മെ​ന്നു​മു​ള്ള കാ​ര്യം ജാ​ഗ്ര​ത​യോ​ടെ മ​നസ്സാ​ന്നി​ധ്യ​ത്തോ​ടെ എ​ല്ലാ​യ്പോ​ഴും ഓ​ർ​മി​ക്കു​ക.

കോ​ത​മം​ഗ​ലം ടൗ​ണി​ലെ ബ​സ് സ്റ്റാ​ൻ​ഡി​ൽനി​ന്ന്

• സ്വ​കാ​ര്യ ബ​സ്: നേ​ര്യ​മം​ഗ​ലം വ​ഴി-ദി​നേ​ന രാ​വി​ലെ 8.30, 10, ഉ​ച്ച​ക്ക് ഒ​രു​മ​ണി, വൈ​കീ​ട്ട് 4.40, അ​വ​സാ​ന ബ​സ് 5.25ന്.
• വൈ​കീ​ട്ട് 3.52നാ​ണ് കു​ട്ട​മ്പു​ഴ വ​ഴി​യു​ള്ള ഏ​ക സ​ർ​വി​സ്. തി​രി​ച്ചു പോ​കാ​ൻ ബ​സ് പി​റ്റേ​ന്ന് മാ​ത്ര​മേ ഉ​ണ്ടാ​കൂ എ​ന്ന​തി​നാ​ൽ ഒ​ന്നു​കി​ൽ ഇ​വി​ടെ​യു​ള്ള നി​ര​വ​ധി ഹോം ​സ്റ്റേ​ക​ളി​ൽ താ​മ​സി​ക്കു​ക​യോ അ​ല്ലെ​ങ്കി​ൽ ജീ​പ്പ്, ഓ​ട്ടോ ടാ​ക്സി​ക​ളെ ആ​ശ്ര​യി​ക്കു​ക​യോ മാ​ത്ര​മാ​ണ് ര​ക്ഷ.
• ഇ​നി കെ.​എ​സ്.​ആ​ർ.​ടി.​സി​യാ​ണെ​ങ്കി​ൽ വൈ​കീ​ട്ട് 5.30ന് ​മാ​ത്ര​മാ​ണു​ള്ള​ത്. ഇ​വി​ടെ സ്റ്റേ ​ചെ​യ്ത ശേ​ഷം പി​റ്റേ​ന്ന് രാ​വി​ലെ ആ​റുമ​ണി​ക്കേ റി​​ട്ടേൺ പു​റ​പ്പെ​ടൂ.